Nangin emosyonal ang isa ka Ilongga sa Poland matapos ang nabatyagan nga kakulba sa natabo nga pagsulod sa ila airspace ang drone strike sang Russia sa Ukraine.
Suno kay Bombo Neva Intrepido Kessler, tuman ang ila kakugmat sang nag-uwang ang mga sirena bangud sa mga drones.
Pahayag niya, sa subong, may ginpang-deploy na nga mga Polish kag allied aircraft nga gin-deploy sa isa ka “preventive” operation sa airspace sang Poland.
Una na man nga nagpadala ang NATO sang send fighter jets agud panggub-on ini nga nga drones nga ginalantaw nga pamaagi sang expansion sang Russia sang ila tatlo na ka tuig nga giyera batok sa Ukraine.
May ginpagwa naman ang Russia nga statement nga nagsiling nga wala sini gin-target ang Poland kag ginsiling naman sang Belarus nga kaalyado sang Moscow, nga ang drones ang nagtalang lang bangud sa nadula nga signal.
Apang wala nagapati ang European leaders sa pahayag sang Russia.
Handa naman si Kessler nga magpauli sa Pilipinas kun imando sang gobyerno ang repatriation.
