Nagtaliwan na sa edad nga 46 ang kilala nga world boxing champion nga si Ricky “The Hitman” Hatton.
Nagtaliwan na ang world boxing champion nga si Ricky ‘The Hitman’ Hatton sa edad nga 46 anyos.
Suno sa report, nasapwan si Hatton sa sulod mismo sang iya puluya-an sa Greater Manchester, UK.
Ginapatihan nga wala sang foul play nga na-involve sa iya kamatayon.
Ini ang natabo pila ka bulan matapos gin-anunsyo ni Hatton ang iya plano nga pagbalik sa boxing ring para sa isa ka exhibition match nga ginplano ipatigayon sa Disyembre.
Si Hatton kilala nga bukas sa publiko parte sa iya mga pagpakigbato sa mental health issues kag drug addiction.
Sa pihak sang mga pagsulay, nakaluwas siya sa pila ka insidente sang pagpanginmatay kag madinalag-on nga nakig-uli sa iya pamilya, matapos ini matutukan kag maatipan ang iya mental health.
Sa iya madinalag-on nga karera, nagdaog si Hatton sang madamo nga world championships kag UK titles.
Nahibaluan nga ginhatagan siya sang dungog nga Fighter of the Year sang 2015.
Matandaan nga sa tuig 2009, gintumba siya ni Manny Pacquiao sang makaduha ka beses sa first round kag dalayon nga gin-knock out sa ikaduha nga round.
Ini nga sambuwa ang ginkilala bilang Knockout of the Year sang The Ring Magazine.
