Patay ang isa ka pulis matapos nga ginsulod sa iya nga quarters kag gintiro sang kaangay man nga pulis nga ginapahayag nga hubog kag nakagamit sang druga sa Barangay Poblacion, Kidapawan City, Cotabato.
Ang biktima amo si P/Corporal Kim Lloyd Pramisana Pedregosa samtang ang suspek amo si P/Corporal Renante Astudillo Villanueva nga nag-ako man sa nahimo nga sala gamit ang iya nga 9-millimeter service pistol.
Suno sa mga barangay official, kilala nga maoy kag palahubog ang suspek sa ila lugar.
Matapos ang pagpangluthang, nagpalagyo ang suspek apang nadakpan man.
Nadala pa sa ospital ang biktima apang wala na natabangan pa.
Magapangatubang ang suspek sang sampaw-sampaw nga kaso.
