Ginbawian gid sang kabuhi ang driver sang truck, ang iya asawa, kag ang walo ka tuig nga bata nga babaye sang nagbunggo ang ila salakyan sa bus sa highway sa Calasiao, Pangasinan.
Maswerte naman nga nakaluwas sa kamatayon ang isa pa nila ka anak nga tatlo ka tuig.
Base sa imbestigasyon, nag-overtake sa ginasundan nga tricycle ang ginasakyan nga truck sang mga biktima tubtob nga nagkadto ini sa pihak nga linya sang highway.
Sa malain nga palad, may nagapadulong man nga bus gani natabo ang bungguanay.
Nagupi gid ang atubang nga porsyon sang truck bangud sa impact.
Pilason naman ang driver sang bus kag pito ka pasahero.
Nagapadayon pa ang imbestigasyon.
