Ginkakas ni Shuvee Etrata ang iya nga opisyal X Twitter account pila ka adlaw matapos siya nga ginkondenar bangud sa isa ka video kun sa diin ginapakita niya ang simpatiya para kay anay Presidente Rodrigo Duterte.
Umpisa sang Setyembre 28, indi na ma-acess sang mga netizen ang iya nga X page.
Apisar sang natabo, aktibo sagihapon ang actress sa Instagram, kun sa diin nagpakigbahin siya sang mga highlights sang iya mga ginhimo sang Sabado, Setyembre 27 nga may caption nga “Padayon lang ta” (Let’s just keep going).
Nag-umpisa ang kontrobesya sang naglapta ang isa ka screen-recorded video sang aktres nga nagapakita sang iya simpatiya sa pagkaaresto ni Duterte sang International Criminal Court (ICC) sang Marso.
Matapos ang backlash, nagpangayo si Shuvee sang patawad kag nagsiling nga indi niya gusto nga mangin bukas sa mga amo nga mga estorya bangud sa nangin “divisive” ini.
Samtang, gindepensahan naman siya sang iya ka tiyo kag handler nga si Yure, pati man si Annette Gozon-Valdes, kun sa diin ginpahayag sini nga indi naman siya isa ka “diehard” sang bisan sin-o nga pulitiko.
