Nagakahangawa ang mga pumuluyo nga malapit sa Ungka Flyover sa posibilidad nga marusdak ini ano man nga oras matapos ang linog nga nagluntad sang Septyembre 30.
Sa interview sang Bombo Radyo kay Israel Arcede, residente malapit sa nasambit nga flyover, nagakahangawa ini para sa seguridad niya kag sang iya pamilya, ilabi na kay malapit ang ila puluy-an sa nasambit nga flyover.
Dugang pa sini nga sang gab-i nga gintay-og ang Iloilo sang mabaskog nga linog, padayon sa gihapon ang paglabay sang mga salakyan sa nasambit nga flyover, rason nga ginkulbaan ini nga posible ini mag-collapse.
Suno pa sa iya, nakitaan na ang nasambit nga flyover sang mga paglitik, nga posible tuga sang mabaskog nga linog.
