Ginmandu ni Jaro Archbishop Most Reverend Midyphil Billones nga magpatigayon sang structural integrity assessment sa tanan nga mga simbahan sa idalom sang Archdiocese of Jaro.
Ini kasunod sang magnitude 6.9 nga linog nga natabo sa Bogo, Cebu nga nabatyagan man sa isla sang Panay.
Suno sa Commission on Social Communications sang Archdiocese of Jaro, ang ini nga tikang ang magapasiguro nga hilway ang mga tumuluo sa ila pagpadulong sa mga simbahan.
Angot sini, gin-reschedule ang Diaconal Ordination nga natalana kuntani nga hiwaton subong nga adlaw, Oktubre 2, 2025.
Ginsaylo ini sa Oktubre 27, las-2:00 sang hapon sa Jaro Metropolitan Cathedral.
