Ginpaidalom sa Alert level 1 ang pila ka mga kabanwahanan sa probinsya matapos ang nag-igo nga magnitude 6.9 nga linog sa Cebu nga nabatyagan man sa Iloilo.
Sa interview sang Bombo Radyo kay Dr Alfonso Baldonado III, Deputy incident Commander kag Division Head sang Admin and Training sang Iloilo Provincial Disaster Risk Reduction and Management Office (PDRRMO), iya ginpahayag nga nalakip diri ang Alimodian, Leon, kag Maasin bangud ginatan-aw ang posible paghulag sang duta base man sa data sang PHIVOLCS.
Lakip sa rekord ang ginaconsider nga critical facilities amo ang Jibolo Bridge sa banwa sang Janiuay, Iloilo matapos nakitaan sang minor cracks ang taytay apang fit sa gihapon nga agyan.
