Padayon nga mataas ang kumpyansa sang mga foreigner nga naga-invest sa Pilipinas sa pihak sang imbestigasyon sa ginapahayag nga korapsyon sa flood control projects.
Ini ang gintagaan igtalupangod ni Special Assistant to the President for Investment and Economic Affairs Secretary Frederick D. Go.
Ginpahayag ni Go nga padayon sa gihapon ang pagsulod sang mga investments pledges sa pungsod.
Ginsabat man sini ang mga nagalapta nga report sa ginapahayag nga pagnubo sang stock market bangud sa isyu sa imprastraktura, kag gintawag pa niya ini nga fake news.
Suno kay Go, gin-aprubahan na kag ginpadala sa Office of the President ang labing una nga benepisyaryo sang CREATE MORE Act isa ka Korean company nga maga-invest sang masobra $1 billion sa pungsod.
Ang CREATE MORE (Republic Act No. 12066) isa ka layi nga nagatuyo nga pabaskugon ang ekonomiya pinaagi sa mga insentibo sa negosyo.
