Naghatag sang kabug-usan nga P10 million ang beauty queen kag negosysante nga si Celeste Cortesi para sa mga biktima sang mga nagluntad nga linog sa Cebu kag Davao Oriental.
Suno sa report, una nga naghatag sang P5 million si Celeste kaupod ang iya partner nga si Jonathan Sterling sa mga biktima sang magnitude 6.9 nga linog sa Cebu sang Setyembre 30 pinaagi sa ila Asul hope Foundation, kaupod ang Angat Buhay Foundation.
Kasunod sini, liwat sila naghatag sang P5 million nga donasyon para sa mga naapektuhan sang sunod-sunod nga linog sa Davao Oriental sang Oktubre 10, kaupod ang Philippines Red Cross (PRC).
Nagpasalamat naman ang PRC kanday Celeste kag Sterling sa ila kontribusyon sa recue kag relief operations sa Davao.
