Ginbawian sang kabuhi ang isa ka punong barangay sa natabo nga ambush sa Purok Inanama, Barangay Poblacion, Lambayong, Sultan Kudarat.
Ang biktima amo si Esmael Palaguyan Sambilan, chairman sang Barangay Lagao sa Lambayong.
Suno sa otoridad, sakay sa iya van ang biktima sang ginpalukpan sang mga armado nga lalaki nga sakay sa motorsiklo.
Nadala pa sa ospital ang biktima apang napatay gid ini bangud sa naangkon nga mga pilas tuga sang igo sang bala.
Kilala ang opisyal sa iya aktibo nga suporta sa operasyon sang ila nga mga anti-narcotics unit sa ila barangay.
Nagapabilin naman nga at-large ang mga armado nga lalaki nga nangamot sa krimen.
