Nagpatigayon sang ocular inspection ang insurance company sang Discaya sa lima ka flood control projects sa distrito sang Lapuz, Iloilo City.
Ang mga proyekto may kabug-usan nga balor nga P613.4 million kag ginapangunahan sang tatlo ka nagkalain-lain nga kontraktor nga amo ang St. Timothy Construction Corporation, sa diiin may duha ka proyekto nga nagabalor P141.2 million kag P119.4 million.
Ikaduha amo ang St. Gerard Construction General Contractor and Development Corporation nga may isa ka proyekto nga nagabalor sang P90.9 million, kag ang St. Matthew Gen. Construction and Development Corporation nga may isa man ka proyekto nga nagabalor sang P119.4 million.
Suno kay PB Arnel Asturias, presidente sang ABC Lapuz District, nangayo sang bulig ang insurance company para makita kag ma-validate ang lokasyon sang proyekto.
Apang nabudlayan sila bangud wala sang specific nga address ang ginpresentar nga dokumento.
Ginpahayag man ni Asturias nga posible nga ginasekyar sang insurance company ang performance kag warranty bonds bilang preparasyon kun pangayuan sila sang DPWH.
Kun mapamatud-an nga gin-abandona ukon wala natapos ang proyekto, ang insurance company ang posible magbayad sang 30% sang balor sini sa DPWH.
