Pareho nga ginbawian sang kabuhi ang isa ka mag-amay matapos nabungguan sang truck ang ginasakyan nila nga motorsiklo sa Polomolok, South Cotabato.
Ang mga biktima amo sanday Michael Calaya kag bata sini nga 15-anyos, lunsay residente sang banwa sang Tupi, sa nasambit nga probinsya.
Base sa imbestigasyon, manugpauli na ang mga biktima matapos nagbakal sang birthday cake sang nabungguan sang truck nga ginapatihan nga nadulaan sang preno.
Nagbaliskad pa ang truck matapos mabungguan ang mag-amay.
Yara na sa kustodiya sang Polomolok Municipal Police Station ang driver sang truck.
