Nagkabos si Alex Eala nga makaabante pa sa masunod nga round sang Hong Kong Open nga amo ang katapusan sini nga tournament subong nga tuig.
Ginlutos siya sa Round of 16 sang Canadian player nga si Victoria Mboko, 3-6, 6-3, 6-4.
Naka-abante ang Pinay tennis player sa Round of 16 bangud wala naghampang si Katie Boulter kasunod sang injury.
Sa doubles draw, nalutos man si Eala kag ang partner sini nga si Hao-Ching Chan batok kanday Kamilla Rakhimova sang Russia kag Aliaksandra Sasnovich sa una nga round sang Lunes.
Apisar sini, maragtason sa gihapon ang kabug-usan nga 2025 season para kay Eala kun sa diin nakasulod siya sa world’s top 100, ginpanglutos sini ang Grand Slam champions, nangin una nga Pinoy nga nakadaog sa Grand Slam main-draw match sa US Open, kag nahakwat man ang iya una nga WTA 125 title sa Guadalajara sa Mexico.
