Ginpaidalom na sa Red Alert Status ang Iloilo kag bilog nga probinsya sang Iloilo bilang preparasyon sa possible epekto sang bagyo Tino, particular sa pamahog sang torm surge kag mabaskog nga pag-ulan.
Suno sa Provincial Disaster Risk Reduction and Management Office (PDRRMO), activated na ang mga operation center kag nakaposisyon na ang mga response clusters halin sa social welfare, engineering, kag force multipliers agud gilayon nga masabat ang kinahanglanon sang mga residente sa oras sang kalamidad.
Posible maapektuhan sang storm surge ang 18 ka mga probinsya sa Iloilo nga possible maglab-ot sa duha ka metros ang kataason sa sulod sang masunod nga 48 oras.
Lakip diri ang Ajuy, Anilao, Banate, Barotac Nuevo, Barotac Viejo, Batad, Carles, Concepcion, Dumangas, Estancia, Guimbal, Leganes, Miagao, Oton, San Dionisio, San Joaquin, Tigbauan, kag Zarraga.
Sa Iloilo City, nag-umpisa na ang mandatory pre-emptive evacuation sa mga residente nga naga-estar sa mga coastal areas nga ginakabig nga high-risk-exposure sa storm surge.
