Ginpaidalom na sa Red Alert Status ang Iloilo City bangud sa padayon nga pag-intensify kag pagpalapit sang Bagyo Tino.
Nagakahulugan ini nga fully activated na ang Iloilo City Emergency Operations Center.
Ginmanduan man ni Mayor Raisa Treñas ang tanan nga clusters, district kag barangay DRRMCs, kag mga response units nga mag-monitor sa ila tagsa ka lugar, magkoordinar sang husto, kag magpabilin nga preparado sa bisan ano nga emerhensya.
Ginpahanumdom man sang alkalde nga kinahanglan nga i-activate sang tanan nga barangay ang ila EOCs, magpreparar sang evacuation sites, kag magpatuman sang pre-emptive measures, ilabi na para sa mga pumuluyo sa mga coastal kag riverside communities.
