[Trigger Warning: Accident / Fall Incident]
Ginbawian gid sang kabuhi ang isa ka dalagita matapos nga nahulog gikan sa ikatatlo nga panalgan sang mall sa Caloocan City.
Suno sa otoridad, kaupod sang Grade 12 student nga biktima ang iya mga abyan nga menor de edad nga nagpadulong sa mall.
Sa kuha sang video nga naglapta online, makita ang estudyante nga nagapungko sa kilid malapit sa escalator sa ikatlo nga panalgan.
Ginpunggan man ini sang mga tawo sa palibot tubtob nga nahulog gid ini sa ground floor.
Gindala pa ini sa ospital apang nag-angkon ini sang internal hemorrhage sa ulo nga gintunaan sang iya kamatayon.
Padayon pa ang imbestigasyon sang Caloocan City PNP kun ano ang rason kun ngaa natabo ang insidente.
