Gin-anunsyo sang Department of Budget and Management (DBM) nga iga-release ang year-end bonus kag cash gift sa government workers kadungan sang una nga payroll sa Nobyembre 2025.
Sa Budget Circular No. 2024-3, nakabutang nga dapat mabaton sang government personnel ang year-end bonus nga katumbas sa isa ka bulan nga basic pay kag dugangan pa sang P5,000 nga cash gift.
Ginahatag ini kada tuig bilang reward sa kapisan kag dedikasyon sang mga naga-trabaho sa gobyerno.
Subong nga tuig, nagpain ang DBM sang P63.69 billion para sa year-end bonus sang civilian kag military ukon uniformed personnel.
May yara naman sang pondo nga P9.24 billion para sa cash gift nga naga-cover sang masobra 1.85 million government workers sa bilog nga pungsod.
Sa idalom sang pagsulundan, ang mga empleyado nga naka-render sang at least apat ka bulan nga serbisyo halin sang Enero 1 kag yara pa sa government service as of October 31 amo ang entitled nga makabaton sang year-end bonus kag cash gift.
Ginapahanumdom sa mga ahensya nga i-release ang bonus sang wala na sang delay kag dapat nga sunod sa existing budget circulars.
