Ginbawian gid sang kabuhi ang bata nga babaye nga nakit-an nga yara sa sulod sang sako sa Barangay Tampucao, Lambunao, Iloilo.
Ang biktima amo si alyas Mimo, nagaedad sang pito ka tuig.
Nakit-an ang bata nga nasulod sa sako sa sulod sang kasilyas.
Ginhingagaw ini dala sa ospital apang napatay gid ini.
Base sa paglaragway sang otoridad sa sitwasyon sang bata sang nakit-an ini, may yara ini sang madamo nga pilas nga kaangay nga ginkaros ini.
Ginalantaw man ang posibilidad nga ginhimuslan ini.
Padayon pa ang imbestigasyon sang otoridad angot sa insidente.
