Naghimo sang kasugtanan ang Bagong Henerasyon (BH) Party-list kag Department of Trade and Industry-Small Business Corporation (SB Corp.) para mapalawig ang paghatag sang bulig sa mga magagmay nga negosyo sa pungsod.
Nagapati si BH Rep. Robert Nazal nga ang kasugtanan ang mangin dalan agud mauntat na ang abusado nga “5-6” nga pagpautang sa mga magagmay nga negosyante nga Pilipino.
Suno sa iya, nasulod sa kasugtanan ang pagpautang sang P30,000 tubtob P3 milyon sa micro, small and medium enterprises (MSMEs) nga isa ka porsyento lamang ang interes kada tuig.
Dugang niya, wala man sang collateral kag mahimo nga bayaran sang tubtob sa tatlo ka tuig.
Suno pa sa mamalidha, ang SB Corp. ang ahensya nga may mandato nga magbulig sa mga magagmay nga negosyante.
