Nalakip sa pito ka persons of interest ang isa ka menor de edad sa kamatayon sang pito ka tuig nga bata nga babayi nga nasulod sa sako, may higot ang liog, kag wala na sang pang-idalom nga panapton sa Brgy. Tampucao, Lambunao, Iloilo.
Sa interview sang Bombo Radyo kay Police Captain Jose Winston Biadog, Hepe sang Lambunao Municipal Police Station, iya ginpahayag nga ang pito ka persons of interest ang mga kasilingan sang biktima kag gintan-aw man ang oras sang natabo ang krimen.
Dugang pa ni Biadog, nadala na ini sa crime lab agud nga ipaidalom sa swabbing kag nagkooperar man ang mga ini.
Ang iban pa nga mag detalye sang mga persons of interest ang indi na mabuyagyag sang kapulisan agud maprotektahan ang ila identity kag indi maapektuhan ang imbestigasyon.
Samtang, nakalab-ot na Camp Crame ang kaso sang pito ka tuig nga biktima kag posible magdugay sang ginabulubanta tatlo ka semana ang proseso sang examination.
