Ginhingadlan ni former Ako Bicol Rep. Zaldy Co si former House Speaker Martin Romualdez nga amo ang ginaalegar nagpahog sa iya nga patyon siya kun magpaguwa siya sang mga rebelasyon.
Sa Part 3 sang statement ni Co nga ginpaguwa subong lamang nga hapon, ginpahayag sini nga gintawgan man siya ni Romualdez kag ginhambalan siya nga delikado para sa iya kun magbalik siya sa Pilipinas.
Suno pa kay Co, sang Marso 2025 pa lang, may mga pabati-bati na si Romualdez nga tiruhon siya kun may ipangbuyagyag siya.
Gin-alegar man ni Co nga basi kun may mga indibidwal nga mag-hire sang pulis agud nga patyon siya samtang yara siya sa presuhan.
“Pagkatapos niyang sabihin sa akin in a phone call na ‘Don’t come home, we will take care of you,’ tumawag ulit si Speaker Martin at sinabihan niya ako na ‘pag umuwi ako will be dangerous,” suno kay Co.
“Kasi they might hire someone to do a rob out on me, or hire the police to kill me while in jail,” dugang sini.
Wala pa sang sabat ang anay house speaker kaangot sa sini nga alegasyon.
Nagpahayag pa si Co nga may dugang pa siya nga ipangbuyagyag sa masunod nga mga inadlaw.
