Kumpirmado nga pangunahan ni Iñigo Pascual ang cast sang Philippine adaptation sang kilala nga medical drama nga “The Good Doctor,” nga ginatalana mag-premiere sa masunod nga tuig.
Ang serye base sa 2013 nga South Korean K-drama nga may pareho man nga tig-ulo.
Pagabidahan ni Iñigo ang karakter ni Dong, ang ginatawag nga “The Good Doctor,” nga nagapakita sang pinasahi nga abilidad, instincts, kag matuod-tuod nga kaluoy sa iya mga pasyente.
Maupod sang actor ang aktres nga si Gabby Padilla, nga isa man sa mangin importante nga parte sang serye.
Sa subong, wala pa gibuyagyag ang dugang nga detalye angot sa kabug-usan nga storyline kag iban pa nga mga karakter nga mangin kabahin sang drama.
Nadiskubrehan man nga ang “The Good Doctor” gin-adopt na sang nagkalain-lain nga pungsod, lakip na ang Estados Unidos, Turkey, Japan, kag Hong Kong, antes ini masulod sa Philippine television.
