Nagpaguwa sang official statement ang Iloilo National High School (INHS) nga magapadayon ang school operations subong nga adlaw, Nobyembre 17, matapos nakumpirma nga wala sang anuman nga explosive devices sa sulod sang eskwelahan.
Ginkadtuan kag gin-check sang Iloilo City Explosive Ordnance Disposal (EOD) team ang lugar kasunod sang bomb threat nga nabaton kaina sang kaagahon.
“At 4:06 am, the EOD declared the school cleared; no explosive devices were found or confirmed,” kabahin sang official statement.
Dugang sini, “The safety and well-being of our school community remain our highest priority. We want to assure everyone that all necessary precautions are in place, and the school environment is secure. Normal school operations will continue as scheduled.”
Ginpasalamatan man sini ang awtoridad sa madasig nga pagresponde agud ma-check gilayon ang area.
“We sincerely thank the authorities for their swift and professional response. We also extend our gratitude to our teachers, school personnel, and learners for remaining calm throughout the process,” suno pa sa INHS.
Dugang pa sa statement, “We strongly discourage actions that create unnecessary alarm, as these can disrupt learning and affect the well-being of our learners and personnel. Please continue to stay connected through our official communication channels for updates and guidance.”
KAUNDAN SANG BOMB THREAT
Ginpadala man sang certain “Nestor Villagracia” ang mensahe sa Bombo Radyo Iloilo kun sa diin ginsiling sini nga nagbutang siya sang siyam ka time bombs sa campus.
Pahayag sang nag-send sang mensahe, ginbutang niya ang bomba bangud sa indi patas nga pag-tratar sang mga faculty kag staff sa regular class students samtang ginapaboran naman ang special program students.
Sa pag-check sang Bombo Radyo, nakit-an nga bag-o lang nahimo ang Facebook account sang amo nga indibidwal kag isa lang ang nakabutang sa Friends’ List.
Matandaan nga sang nagligad nga semana, may nabaton man nga bomb threat ang University of San Agustin- Basic Education Department samtang duha ka sunod-sunod nga bomb threat man ang nabaton sang Iloilo Science and Technology University. Lunsay ini na-clear sang awtoridad kag nadeklarar nga wala sang bomba.
