Ginpasiguro sang mga lider sang Kamara nga nagapadayon nga nakatutok ang House of Representatives sa ila trabaho kag legislative agenda sa tunga sang ginapahayag nga wala sang basehan nga akusasyon sang anay Ako Bicol Rep. Zaldy Co batok kay Pres. Ferdinand Marcos Jr. kag anay Speaker Martin Romualdez tuhoy sa “insertions” sa 2025 budget.
Suno kay Deputy Speaker Ronaldo Puno, wala naapektuhan ang operasyon sang Kamara.
Dugang pa niya, padayon nga naga-gana ang Committee on Rules sa pagpanguna ni House Majority Leader Sandro Marcos, kag padayon man ang hearing sang mga komite.
Nagapati man si Deputy Speaker Ferdinand Hernandez kay Puno kag nagasiling nga nakasentro ang mga myembro sa direksyon nga ginahatag sang House leadership.
Dugang naman ni Deputy Speaker Kristine Singson-Meehan, nakatutok ang Kamara sa paghimo sang layi nga kinahanglan sang pungsod.
Pamatuod nga padayon ang trabaho, masobra 100 ka mga hagna ang napasa sa first reading sa plenaryo, kag walo ang naghatag sang privilege speeches sa sesyon.
