Naghingyo si Veronica “Kitty” Duterte sa Korte Suprema nga resolbahon na ang mga pending petition kaangot sa pagdala-pauli sa iya amay nga si former President Rodrigo Duterte.
Naka-detain si Duterte sa The Hague, Netherlands matapos gindakop sang Marso 11, 2025 sa gahum sang arrest warrant sang International Criminal Court (ICC).
Sa 26 ka pahina nga mosyon, ginhingyo man ni Kitty sa Supreme Court nga manduan na ang gobyerno nga maghulag kag i-proseso ang pagpabalik sa iya amay sa Pilipinas sa labing-madali nga panahon.
“Petitioner implores this Honorable Court to exercise similar resolve here to ensure that constitutional violations do not go unremedied or unpunished, even if the ruling could influence the country’s political landscape,” kabahin sang mosyon.
Suno sa kampo ni Kitty, ginbutang nila sa mosyon nga resolbahon gilayon ang mga petisyon agud malikawan nga maglain pa gid ang sitwasyon sang ikaayong-lawas sang amay nga Duterte kag malikawan ang kamatayon samtang yara sa kustodiya sang iban nga nasyon.
“At bare minimum, urgent judicial relief will spare the nation the ignominy of having a beloved former President – expelled from his homeland without due process of law – suffer an undignified death in the custody of his foreign captors, with this Honorable Court not lifting a finger to intervene,” suno pa sa mosyon sang agot nga anak sang former president.
Una na nga ginpahayag sang kampo sang anay presidente nga nagamalipaton na ini kag indi na makadumdom sang pika ka mga hitabo, mga lugar, mga petsa, kag mangin sa mga myembro sang iya pamilya.
Nagmandu naman ang ICC sang medical examination agud nga ma-determina kun masarangan bala ni Duterte ang trial.
