Nagapabilin sa gihapon sa intensive care unit sa Thailand si Miss Jamaica Gabrielle Henry, matapos mahulog halin sa entablado sang Miss Universe 2025 preliminaries sang Nobyembre 19, 2025.
Nahulog ini samtang nagarampa sa runway suksok ang orange nga gown kag high heels sa evening gown competition.
Gilayon man ini nga gindala sa ospital, particular na sa ICU para sa nagakaigo nga pagbulong.
Suno sa iya utod nga si Dr. Phylicia Henry-Samuels, indi pa sa gihapon maayo ang iya kondisyon.
Ginmando man sang mga doctor nga magatenir siya sa ICU nga indi magnubo sa pito ka aldaw para sa padayon nga observation.
Kaupod niya sa Thailand ang iya utod kag iloy nga nagahatag sang suporta.
Nagapanawagan ang Miss Universe Jamaica Organization sang pangamuyo kag pag-intindi para kay Gabrielle.
Madamo sang pageant fans ang nagpabutyag sang suporta kag pagdumdom sa iya sitwasyon nga nagtuga sang tuman nga kakibot sa Miss Universe community.
