Gin-anunsyo sang beterano nga National Basketball Association guard nga si Chris Paul sang Sabado nga ang 2025-26 season na ang iya mangin ulihi nga tuig sa NBA.
Antes ang ila hampang sa Charlotte, nag-upload ang twelve-time All-Star sang isa ka video online nga nagaunod sang mga importante nga highlights halin sa iya karera.
Sa sulod sang halos 20 ka tuig sa liga, nagbilin si Paul sang pangalan bilang isa sa pinakasagad nga point guard sa kasaysayan.
Lakip sa iya mga nakuha nga award amo ang NBA Rookie of the Year (2006), apat na ka beses nga All-NBA first-team, lima ka beses nga NBA Assist Champion, anom ka beses nga Steals Leader, pito ka beses nga All-Defensive First Team, kag NBA All-Star Game MVP (2013).
Nakuha man ni Paul ang duha ka Olympic gold medals kaupod ang Team USA.
Naghampang si Paul sa pito ka nagkalain-lain nga team sa sulod sang 20 ka NBA seasons sa diin ginalakipan ini sang New Orleans Pelicans, Los Angeles Clippers, Houston Rockets, Oklahoma City Thunder, Phoenix Suns, Golden State Warriors kag San Antonio Spurs.
Samtang, subong nga season liwat nga nagpirma si Paul sa Clippers.
