Patay ang isa ka backhoe operator matapos na-trap sa sulod sang backhoe nga nahulog sa suba sa Brgy. Miranda, Hinigaran, Negros Occidental.
Ang biktima amo sa alyas “Harvey”, 49-anyos, kag residente sang amo nga lugar.
Nagapatigayon sang clearing operations sa suba sa barangay sang natabo ang trahedya.
Ang nasambit nga amphibious backhoe ang ginapanag-iyahan sang municipal government nga ginagamit sa pagkutkok sang duta sa riverbed sa nasambit nga reclamation area.
Naghumok ang duta rason nga nahulog ang backhoe sa pangpang sang suba kag naglugdang sa tubig kag na-trap ang biktima.
