Ginapanan-aw ang pagluntad sang fluvial flooding kun padayon ang pagbubo sang mamunog nga ulan sa probinsya sang Iloilo.
Sa interview sang Bombo Radyo kay Ret. Col. Cornelio Salinas, iya ginpahayag nga dako ang posibilidad sang riverine flooding sa probinsya kaangay sa Jalaur river sa Calinog kag Aganan River sa Pavia.
Sa ginpatigayon nga Iloilo Provincial Disaster Risk Reduction Council Meeting nga ginpangunahgan ni Gov. Arthur Defensor Jr., hugot man ang pahanumdon nga tan-awon ang history sang landslide kag pagbaha sa mga lugar agud mapreparahan kun kinahanglan mag-evacuate.
Ginhiwat ang pagsinapol kaupod ang 43 ka mga Municipal Disaster Risk Reduction and Management Offices kun sa diin nalakip man ang response clusters sang PDRRMO agud mapreparahan ang supply nga kinahanglanun sang publiko.
Text:Joedel Nollaga
