Ginkoronahan bilang Lin-ay sang Iloilo 2025 ang Lin-ay sang Balasan nga si Elissa Jayne F. Dely sa matahom kag madinalag-on nga coronation night nga ginhiwat kagab-i sa Passi City Arena, kun sa diin ginpatigayon ang pagpaaindis-indis sang mga lin-ay halin sa nanuhay-tuhay nga mga banwa.
Nakuha naman sang Lin-ay sang Sara nga si Shiela Muya ang titulo nga Lin-ay sang Turismo kag magaserbe nga ambassador sang turismo kag katahum sang Sara.
Ang Lin-ay sang Oton nga si Crystil Joy L. Sepaya ang ginkoronahan bilang Lin-ay sang Maragtas nga mangin simbolo sang kultura kag panubli-on, kag magapadayaw sang katahum sang Oton.
Ang Lin-ay sang Banate amo nga si Dyjie Laurice B. Yucor ang ginkilala nga Lin-ay sang Taliambong nga amo naman ang simbolo sang arte kag kalalang sang Banate.
Ang Lin-ay sang Tigbauan nga si Lyra Angela T. Temperatura ang nakakuha sang titulo nga Lin-ay sang Panublion kag siya ang magapakita sang kultura kag pamana sang Tigbauan.
