Nakatalana nga pasakaan sang kaso ang 13 ka mga Barangay Officials sa siyudad nga nagabuhin sang Assistance to Individuals in Crisis Situation (AICS) sang mga pumuluyo sang Fact-finding and Investigation Team sang Department of Social Welfare and Development (DSWD).
Sa interview sang Bombo Radyo kay Paul Ledesma, Assistant Secretary for Regional Operations sang DSWD, iya ginpahayag nga ang 13 nga numero ang ginakabug-usan sang mga Punong Barangay, Kagawad, Secretary kag Treasurer kag ini ang naghalin sa 6 ka mga barangay sa siyudad.
Suno kay Ledesma, ginahulat nila ang resulta sang consultation sa central office subong nga hapon kag may posibilidad nga magasaka pa ang numero sang mga persona nga makasuhan.
Nagkalain-lain nga kaso ang ila nga pagaatubangon kaangay ang Robbery, Coercion, Estafa kag pagbayolar sang Republic Act (RA 3019) ukon Anti-graft and corruption practices act.
Dugang ni Ledesma, personal nga i-file ni Secretary Rex Gatchalian ang kaso sa nasambitan nga mga opisyales.
Nagpabutyag man sang kahadlok ang iban nga mga complainant sa DSWD bangud ginapahog ini sila, apang nagpasalig ang amo nga ahensya nga may yara sila sang proteksyon sa mga pormal nga nag-complaint sa ila opisina.
 sang mga pumuluyo sang Fact-finding and Investigation Team sang Department of Social Welfare and Development (DSWD).){kind=link}