Gin-obserbaran ni Department of the Interior and Local Government Secretary Jonvic Remulla, ang kilos-protesta ukon Trillion Peso March sa bahin sang Mendiola, Manila.
Nakit-an ini nga yara sa likod sang mga kapulisan kag nagalantaw sa ginhiwat nga protesta.
Nagpanawagan man ang mga raliyista kay Remulla nga halinon ang mga barikada agud makapalapit ang mga ini sa Malacañang Palace kun sa diin hugot ang pagbantay sang mga kapulisan kag sarado ang mga kalsada nga nagapalibot diri.
Suno kay Remulla isa ini ka tikang agud masiguro ang siguridad sang tanan.
Dugang man niya sa mga nagasiling nga overkill security sa Mendiola, mas maayo na nga mas hugot ang ila siguridad kun ikumparar ini sa kulang nga preparasyon.
Ginpahayag man sini nga nakabaton sila sang impormasyon nga may nagaplano nga mag-ginamo sa kilos-protesta kun sa diin wala man sang may natabo sang natapos na ang aktibidad.
