Nagpanguna si Luka Doncic sa Los Angeles Lakers matapos naghaboy sang 34 puntos, 12 rebounds, kag 7 assists agud lutuson ang New Orleans Pelicans, 133-121.
Bente punto naman ang na-record ni Doncic sa una nga quarter nga naghatag sa Lakers sang 46-27 lead, pinakamataas nila nga puntos sa isa ka kwarter subong nga season.
Dako man ang bulig ni Austin Reaves nga may 33 points, kag 8 assists, samtang si Deandre Ayton ang nagdugang sang 22 puntos kag 12 ka rebounds antes maghalin sa hampang bangud sa palanakit sang tuhod.
Wala nakahampang si Lebron James bangud sa masakit nga left leg, apang enough sa gihapon ang opensa sang Lakers agud makuha ang ila ikaptio nga sunod-sunod nga kadalag-an.
Samtang, kulang ang Pelicans bangud wala sanday Zion Williamson kag Trey Murphy III, apang naglaom sila sa opensa nanday Bryce McGowens nga may 23 ka puntos kag Saddiq Bey nga may 22 points.
Ini na ang ika-12 nga pagkapyerde sang Pelicans sa ulihi nga 13 ka hampang, samtang nag-angat naman ang lakers sa 7-2 record sa ila nga home court.
