Naka-rekord sang 73 ka bomb threats ang Police Regional Office sa bulan lang sang Nobyembre sa bug-os nga Western Visayas.
Sa press release sang PRO 6, ginpahayag ni Regional Director PBGEN. Joselito Ligan nga wala man sang confirmed devices nga nagluntad sa mga bomb threats sa rehiyon, apang siguraduhon man sagihapon nga mapasakaan sang kaso ang mga suspek sa likod sang nasambit nga mga pagpamahog.
Pahayag man niya nga duha na ka indibidwal ang napasakaan sang kaso kag amo ang sa likod ang bomb threats sang Oton National Highschool kag Ramon Avanceña National Highschool.
Dugang man niya nga kalabanan sa mga pagpamahog amo ang tripping lang kag ginsunod ang ila nga mga nakit-an sa social media.
Gin-athag man sini nga may yara lamang ka 61 ka mga personnel ang Explosive Ordnance Disposal team sa bug-os nga rehiyon apang capable man ang mga ini agud magresponde sa mga lugar nga may bomb threat.
Sa subong padayun ang pag-imbestigar sang grupo sang Anti-Cybercrime group apang namalibad ini nga mag-idisclose sang proseso sang imbestigasyon.
Suno man sa iya nga pagasiguraduhon sang mga awtoridad nga mangin hilway ang pagselebrar sang paalabuton nga Holiday Season agud wala sang matabo nga bomb threat.
