Liwat nga nagdaog ang Gilas Pilipinas batok kasumpong sini nga Guam sa score nga 95-71 sa first window sang FIBA World Cup Asian Qualifiers.
Nagpakita gilayon sang kabaskog ang Gilas sa first quarter pa lang sang kompetisyon kun sa diin ginlutos ang world number 81 nga Guam sa ginpatigayon nga hampang sa Ateneo Blue Eagle Gym.
May yara na subong sang 2-0 nga abanse ang Gilas sa Group A.
Patas na ang Gilas kag Australia nga may 2-0 win-loss record kun sa diin magaatubangay sila sa Marso 1 nga patigayunon man diri sa Pilipinas.
