Tuman ang kalipay ni “Star for All Seasons” Vilma Santos-Recto matapos nga naangkon sini liwat ang ika- 10 sini nga Best Actress award sa ginpatigayon nga 41st Philippine Movie Press Club Star Awards for Movie.
Ang ini nga award nabaton niya bangud sa performance sini bilang aktres sa iya pelikula nga “Uninvited.”
Suno pa sa beterana nga aktres nga mabug-at sa gihapon ang iya nga katungdanan bisan pila na ka dekada ini sa industriya nga nagatrabaho.
Madamo naman sa iya mga fans ang nagrekomendar nga himuon siya nga National Artist apang wala na naghatag sang komento ang beterana nga aktres natuhoy sa nasambit nga pasidungog.
Suno pa sa iya nga tuman na kadamo ang blessings nga iya nabaton nga tuman gid ang iya nga pagpasalamat sa Ginuo.
Ginkumpirmar man sini nga may ginapreparahan siya nga bag- o nga pelikula.
