Ginpasidunggan ni President Ferdinand “Bongbong” Marcos Jr. ang tumandok sang probinsya sang Guimaras, kag isa ka suldado nga nagserbisyo sang tampad para sa pungsod.
Si Major Jerome Jacuba, nga nabulag matapos nga nalukpan sang bomba samtang nagaserbisyo sa Maguindanao sang 2016 ang gin-promote sa position sang Philippine Army bilang “Major”.
Sa video‑statement nga ginpagua sang Presidente, iya ginpahayag nga indi makatarungan nga basta lang mapahamtang sa Complete Disability Discharge (CDD) ang mga suldado nga nasamaran tungod sang ila trabaho.
Ginmando niya ang suspensyon sang discharge ni Jacuba kag ang paghatag sang bag-o nga trabaho (adaptive duties) nga husto sa iya 15 ka tuig nga serbisyo.
Suno sa Malacañang, ini nga tikang kabahin sang mas makatarungan nga reporma sa polisiya sang CDD, agud masiguro nga bisan ang mga suldado nga nabiktima sang gyera padayon gihapon maka-serbisyo kag indi basta-basta nga pahalinon sa pwesto.
Subong man, lubos nga ginbaton ni Major Jerome Jacuba ang pasidungog kag suporta sang gobyerno,
kag nagapasalamat sa oportunidad nga makapadayon sa iya serbisyo sa pungsod apisar pa sang naagum sini nga disabilidad sa pagpakigbato para sa pungsod.
