Nasapwan nga patay ang 53-anyos nga company driver sa atubang sang ginaubrahan nga building sa Quezon City.
Ang biktima amo si alyas “Genovivo” nga nakit-an sa atubang sang isa ka kompaniya sa Letland Drive, Brgy. Balonbato.
Sa imbestigasyon sang Criminal Investigation and Detection Unit sang Quezon City Police District (CIDU-QCPD), nag-inom ang biktima kag ang mga kaupdanan sa trabaho sa ikaduha nga panalgan sang building sang nag-ulan sang mabaskog gani nanaog sila sa first floor.
Sang nakapanaog na ang mga ini, nakibot sila nga nakit-an ang driver nga duguon kag wala na nagahulag.
Padayon pa ang imbestigasyon sang pulis kun nahulog, gintiklod ukon hungod nga naglumpat ang biktima.
