Emosyonal nga ginpakigbahin sang iloy ni Major Jerome Jacuba, katapo sang Philippine Army kag subong man tumandok sang probinsya sang Guimaras ang masakit nga gin-agyan sang iya anak matapos nga nadulaan sang panulok bangud sa serbisyo sang nalukpan ini sang bomba sa ila engkwentro sa Maguindanao sang 2016.
Sa interview sng Bombo Radyo kay Ma’am Annabelle Jacuba, iloy ni Maj. Jacub, iya ginpahayag nga tuman ang kakulba kag kasubo sini sang nabaton ang mensahe sa natabo sa iya anak nga abi sadto niya ang wala na sang kabuhi.
Dugang pa sini nga sa kaluoy sang mahal nga makaako, nahatagan ini sang panibag-o nga kahigayuhnan, apang kabaylo naman sini ang pagkadula sang iya panulukan kag ang posisyon sini bilang isa ka suldado.
Apisar sang tanan nga pagtilaw, wala nagsuko si Maj. Jacuba kag nagpadayon ini sa iya kabuhi kag nagserbe nga inspirasyon para sa mga kauturan nga nagakabuhi nga mag disabilidad.
Sang damlag lang ginmandu ni President Ferdinand Marcos Jr. ang pag-promote kay Jacuba matapos ginhatagan ini sang complete disability discharge (CDD) nagikan sa military kun sa diin sya karun ang chairman sang organisasyon sang mga suldado nga may kasablagan.
Tuman naman ang pasalamat ni Maj. Jacuba sa iya iloy bangud apisar dalayon na ini nga indi makakita, nahatagan ini sang kahigayunan ni President Marcos Jr. nga liwat nga makabalik sa serbisyo.
Dugang pa sang natungdan nga wala sang paghinulsol sa ila nga mag-iloy sa natabo nga insidete bangud nagapati sila nga ini ang pagbuot sang Diyos.
