Ginpangunahan ni Agriculture Secretary Francisco P. Tiu Laurel Jr. ang paglunsyar sang “Benteng Bigas, Meron Na!”, sa Dapitan, Dipolog, kag Zamboanga del Norte.
Ini ang flagship food initiative ni President Ferdinand Marcos Jr. nga nagatuyo nga mahatagan sang barato nga bugas sang masobra 15 million nga Filipino families sa bug-os nga pungsod.
Suno kay Laurel, nagpain ang programa sang de-kalidad nga bugas sa balor nga P20 kada kilo para sa mga mga kwalipikado nga pamilya sa Dapitan, Dipolog, kag 25 ka mga kabanwahanan sa Zamboanga del Norte.
Lakip sa mga prayoridad nga benepisyaryo ang 4Ps households, senior citizens, PWDs, solo parents, mangunguma, manugpangisda, minimum wage earners, kag transport workers.
Kabahin man sang inisyatibo ang pagbulig sa mga local nga producer.
Direkta man nga nagabakal ang National Food Authority (NFA) sang humay halin sa mga mangunguma, antes ini ipagalin kag ipanagtag bilang subsidized rice sa mga KADIWA sang Pangulo outlets.
