Ginpaidalom sa wind signal no. 1 ang syudad sang Iloilo kag ang dugang pa nga mga banwa sa probinsya bangud sa Bagyo Wilma.
Base sa alas otso sa aga nga bulletin sang Philippine Atmospheric, Geophysical and Astronomical Services Administration (PAGASA) subong nga Byernes, Disyembre 5, ulihi nga nakit-an ang sentro sang bagyo sa kalayuon nga 235 km nasidlangan sang Borongan City, Eastern Samar.
Dala sini ang kabaskugon sang hangin nga 45 km/h malapit sa sentro kag pagmadlos nga tubtub sa 55 km/h. Nagahulag ang bagyo pa-nabagatnan-nakatundan sa kadasigon nga 15 km/h.
Yari ang kumpleto nga lista sang mga lugar nga nabatak sa Wind Signal No. 1 kun sa diin posible ang mabaskog nga hangin kag may warning lead time nga 36 oras:
Luzon:
The southern portion of mainland Masbate (Cataingan, Pio V. Corpuz, Esperanza, Placer, Cawayan, Palanas, Dimasalang, Uson)
Visayas:
Northern Samar, Eastern Samar, Samar, Biliran, Leyte, Southern Leyte, Cebu lakip ang Bantayan kag Camotes Islands, Bohol, ang northern kag central portions sang Negros Occidental (Sagay City, City of Escalante, Toboso, Calatrava, Enrique B. Magalona, City of Victorias, Manapla, Cadiz City, Bacolod City, City of Talisay, Silay City, Salvador Benedicto, San Carlos City, Murcia, Bago City, La Carlota City, La Castellana, Moises Padilla, Valladolid, Pulupandan, San Enrique, Pontevedra, Hinigaran, Isabela, Binalbagan, City of Himamaylan, City of Kabankalan), Siquijor, ang northern kag central portions sang Negros Oriental (City of Guihulngan, Canlaon City, Vallehermoso, La Libertad, Jimalalud, Tayasan, Ayungon, Bindoy, Manjuyod, Bais City, Pamplona, City of Tanjay, Amlan, San Jose, Dumaguete City, Valencia, Sibulan, Bacong, Mabinay), the eastern portion of Iloilo (San Dionisio, Estancia, Batad, Carles, Concepcion, Ajuy, Sara, Balasan, Lemery, Barotac Viejo, San Rafael, City of Passi, San Enrique, Anilao, Banate, Dingle, Barotac Nuevo, Mina, Pototan, New Lucena, Santa Barbara, Pavia, Iloilo City, Leganes, Zarraga, Dumangas, Dueñas), ang eastern portion sang Capiz (Pilar, President Roxas, Panay, Pontevedra, Ma-Ayon, Cuartero, Dumarao, Dao, Panitan, Roxas City), kag ang Guimaras
Mindanao:
Surigao del Norte lakip ang Siargao kag Bucas Grande Islands, Dinagat Islands, ang northern portion sang Surigao del Sur (Carrascal, Cantilan, Madrid, Carmen, Lanuza), ang northern portion sang Agusan del Norte (Kitcharao, Jabonga, Santiago, Tubay, City of Cabadbaran, Remedios T. Romualdez, Magallanes) kag ang Camiguin
Gina-forecast nga magahulag ang bagyo pa-nakatundan nabagatnan nakatundan tubtub buwas antes ini magliso pa-nakatundan para sa nabilin nga forecast period.
Sandig sa forecast track, maga-landfall ang bagyo — ukon magalabay malapit — sa Eastern Visayas ukon sa Dinagat Islands karon sa gab-i ukon buwas sa kaagahon.
Padayon ini nga magaagi sa Visayas tubtub sa Domingo, sunod nga magatuhaw sa Sulu Sea, kag mahimo maglabay malapit sa northern Palawan sa Lunes sang aga.
Ginalantaw sang state weather bureau nga magabaskog sang gamay ang bagyo antes mag-landfall apang magapabilin ini bilang tropical depression sa bilog nga forecast period. Magabaskog ini liwat kun yara na sa West Philippine Sea.
Si Wilma amo ang una nga bagyo sa Philippine Area of Responsibility (PAR) subong nga Disyembre.
