Indi na pagtugutan nga mag-file sang leave ang mga police personnel subong nga bulan sang Disyembre, ilabi na nga nagahilapit ang paskwa kun sa diin madamo sang mga aktibidad nga pagahiwaton.
Suno kay PRO6 Regional Director Police Brigadier General Josefino Ligan, tugutan lamang sang makadali sang ‘holiday break’ ang mga kapulisan agud nga mahatagan sang mga aktibidad nga ginahiwat rason nga kinahanglan may yara sang mga pulis nga nakastandby bilog nga adlaw sa mga pampubliko nga mga lugar.
Ini agud mapabilin ang katawhay, kalinong kag safety sang mga pumuluyo sa tunga sang holiday rush.
Dugang pa ni PBGen. Ligan, magapabilin ang pagmintinar sang police visbility, mobility kag madasig nga pagresponde ilabi na sa mga lugar nga madamo sang tawo pareho sang simbahan, terminals, malls, kag iban pa nga mga lugar ng may aktibidad agud malikawan ang ano man nga insidente kag ginamo.
