Ginsabat sang actor nga si Zanjoe Marudo ang nagalapta nga tsismis nga bulagay na sila sang iya asawa nga si Ria Atayde.
Nagpabutyag ini sang iya pagkadismaya sa pagpalapta sang “fake news” sa social media, kag ginkumpirmar sini nga wala sang kamatuoran ang amo nga huring-huring.
Nag-atubang ang actor sa isyu nga bulaganay sa media conference sang 2025 Metro Manila Film Festival (MMFF) entry nga “UnMarry,” kun sa diin isa siya sa mga cast.
Suno kay Zanjoe, apisar ang mga yara sa iban nga pungsod naga-messge sa iya agud hibaluon kun matuod ang balita sang bulaganay na sila sang iya asawa.
Ginkasal sanday Zanjoe Marudo kag Ria Atayde sa isa ka civil wedding sang Marso 2024, kag sang Setyembre ginbun-ag ang ila subang nga bata nga si Sabino.
