Ginkumpirmar sang American singer songwriter kag pop superstar nga si Taylor Swift kag sang iya partner nga si Travis Kelce nga kaslon na ini sa Hunyo 13, sa masunod nga tuig sa Ocean House sa Watch Hill, Rhode island.
Suno sa report nagadali na si Taylor nga magpakasal bangud gusto na sini nga makaangkon sang anak.
Ginpangabay man sini nga matuman ang adlaw sang iya kasal sa numero nga 13 bangud lucky number ini sang singer songwriter.
Nahibaluan nga nagsugod ang relasyon sang Hollywood’s most talked-couples sang tuig 2023 sang nakit-an nga nagtambong si Taylor sa isa ka game sang Kansas City Chiefs nga amo man ang team ni Travis.
Ginpasapubliko man ang ila engagement sang Agosto subong nga tuig kag gin-anunsyo ini paagi sa isa ka joint Instagram post.
Sa karon, padayon ang kasikatan nga nagakatabo sa career ni Taylor matapos ang success sang iya newest album nga ”The Life of a Showgirl” kun sa diin sa una pa lang nga adlaw sang pag-release sini nakabaligya na sang masobra 2.7 million ka mga kopya.
