Sa baylo nga magdul-ong sang kalipay, kalisod ang ginhatag sang fun run sa pamilya sang estudyante nga nag-intra sa aktibidad sa Datu Odin Sinsuat, Maguindanao del Norte.
Ini matapos nga ginbawian ini sang kabuhi samtang nagadalagan.
Ang biktima amo si Jason Buisan, 18, kag residente sang Barangay Makir sa nasambit nga banwa.
Suno sa report, nagpin-ot ang dughan kag ginbudlayan ini sa pagginhawa.
Nagresponde man ang medical team kag gindala sa ospital ang biktima, apang napatay gid ini.
Nahibaluan nga kapin 2,000 ka tawo ang nag-intra sa una nga fun run sang municipal government, bilang kabahin sang selebrasyon sang ila nga 31st Founding Anniversary sang Disyembre 8, 2025.
