Patay ang duha ka tawo kag pilason ang 14 ka iban pa matapos nagbungguanay ang isa ka barangay patrol vehicle kag L300 Van sa national highway sang Purok-1, Brgy.Masalongsalong, Mercedes, Camarines Norte.
Ang mga napatay amo sanday Ed, 55-anyos, negosyante, residente sang Brgy.San Isidro, Talisay nga amo ang pasahero sang L300 van; kag Eleo, 45-anyos, barangay tanod, residente sang Mercedes, kag pasahero sang patrol vehicle.
Base sa imbestigasyon, nagsugataay ang Mitsubishi L300 Van kag ang patrol vehicle sang Brgy.Colasi nga ginamaneho ni Jay, 34-anyos, residente kag brgy.treasurer sang barangay kag sakay si Eleo kaupod ang 13 ka tanod kag kagawad sang ila nga barangay.
Sa kabaskugon sang bungguanay, pareho nga nawasak ang duha ka salakyan.
Madasig naman nga ginpangdala sa ospital ang mga pilason nga biktima.
