Gintambakan sang defending champion nga Gilas Pilipinas sang 25 puntos ang Malaysia, 83-58, sa imbukada sini nga hampang sa Southeast Asian (SEA) Games 2025.
Ginpatigayon ang hampang sa Nimibutr Stadium sa Bangkok, Thailand subong nga adlaw, Disyembre 14.
1-0 na ang Gilas sa Group A samtang nahulog naman ang Malaysia sa 1-1 card.
Sa pagtakop sang first quarter, abanse pa ang Malaysians, 22-16, apang nagbawi ang Pilipinas sa pagpanguna ni oach Norman Black sa second quarter kun sa diin nakalab-ot sa 22-0 nga puntos ang ginbubo sang national team. Ang duha ka free throws ni Ray Parks Jr. ang nagpasaka pa sang abanse nga gindugangan pa sini sang tres puntos.
Sa halftime, may 42-26 na nga lead ang Pilipinas.
Nagtinguha pa ang Malaysia nga makabawi sa third quarter, 39-46, apang nagbalos sang triple si Robert Bolick kag nagbulig man sanday Thirdy Ravena kag Justin Chua agud matapos ang frame nga may 62-51 lead.
Sa katapusan nga quarter, nagsaka pa sa 74-57 ang lead sang Pilipinas tubtub nga napadala ang statement win sa panugod nga kampanya sini agud madepensahan ang titulo sa Southeast Asia.
12:30 sa udto buwas (Philippine time), magaatubang ang Pilipinas sa Vietnam. Kun magdaog ang Gilas, makasulod na ang national team sa crossover semifinals sa Huwebes, Disyembre 18.
The scores:
Philippines 83 – Parks 18, Bolick 17, Ravena 13, Panopio 7, Malonzo 7, Erram 7, Wright 5, Chua 4, Pessumal 3, Tratter 2, Manzano 0, Pre 0.
Malaysia 58 – Ting 21, J.K.C. Wong 13, Chin 9, J.S.W.L. Lee 7, Mahadevan 3, Yong 3, J.H. Lee 2, De 0, Chang 0, Ooi 0, Wong 0.
Quarters: 16-22; 42-26; 62-51; 83-58.
 Games 2025.){kind=link}