Magadiretso sa bronze medal match ang Alas Pilipinas Women matapos gin-sweep sang Vietnam, 17-25, 14-25, 17-25, sa semifinals sang 33rd Southeast Asian (SEA) Games sa Indoor Stadium Huamark sa Bangkok, Thailand, Disyembre 14.
Nagpakita sang potensyal ang Alas sa first set sa pagpanguna ni Angel Canino, apang nakabawi kag naglagas ang Vietnamese players tubtub nga gindominar na sini ang hampang.
Nanguna sa scoring sang national team si Alyssa Solomon nga may 10 points, samtang may nueve puntos naman si Canino kag may syete puntos si Eya Laure. Sa Vietnam nga silver medalist sang nagligad nga edisyon, may game-high nga 15 puntos si Tran Thi Thanh Thuy.
Ini nga kalutusan ang nagdugang pa sa gold medal drought sang Pilipinas sa SEA Games. Ulihi ini nga nagpangibabaw sa biennial meet sa amo nga event sang 1993.
May tyansa naman ang team nga matapos ang 20-year medal drought kun mag-atubang ini 4:00 buwas sa hapon (Philippine time) sa loser sa tunga sang Thailand-Indonesia semifinal.
Ini na ang pang-lima nga sunod-sunod nga bronze medal match sang Pilipinas kag target sini nga malampuwasan na ang fourth-place hump subong nga edisyon.
