Nagpaulan sang gold medals ang practical shooting team sang Pilipinas sa 33rd Southeast Asian Games sa Eastern National Sports Training Center sa Chonburi, Thailand kahapon, Disyembre 14.

Apat sa mga tiglawas sang Pilipinas ang nagpanguna nga amo sanday Rolly Nathaniel Tecson sa Men’s Open Standard Individual; Erin Mattea Micor sa Women’s Open Individual; Edcel John Gino sa Men’s Open Production Optic Individual; kag Genesis Pible sa Women’s Open Production Optic Individual.

Nagtuhaw man ini sa SEA Games official website, apang wala nagsaka ang ranking sang Pilipinas. Sang ulihi, ginpaathag nga “may error” ang organizing committee kag indi pa final ang hampang.

“Despite initially appearing on the SEA Games official website, these wins are not included in the official medal tally as the Thailand Sea Games Organizing Committee made an error with the results, thinking the events today in Practical Shooting are final. This was also reaffirmed by the Philippine Practical Shooting Association to the POC management,” suno sa post sang Philippine Olympic Committee (POC) sa ila post kagab-i.

“Regardless of the technicalities, our Filipino athletes continue to fight with heart especially that other combat sports, where we excel are coming,” dugang sang committee.

As of press time, nagapabilin sa ika-anum nga pwesto ang Pilipinas sa medal tally nga may 17 ka bulawan nga medalya.#

RELATED ARTICLESMORE FROM AUTHOR